الله يسعد مساكم وصباحكم بكل خير
مريت على بوست في الانستا ومحتواه ذكرني فيكم او بكل صراحه شعوري وقت انشر بهالتطبيق
وهذا خلاني الان ادرك نقطه
لأول مره في تاريخي الالكتروني ادخل تطبيق وما اعمق العلاقه مع اهله
والسبب يرجع لكوني بالاصل اعتزلت هالعاده لانشغالي باحداثي
وصادف اكتشافي للبرنامج
قررت اتعوذ من الشيطان
وبنزل اتقهوى واعين من الله خير
ودي ابتسي بس مو وقته
يمكن بكره
كيف اقول له ان راودتني فكرة الندم على هالخطوة
ابرك ساعه يوم عرفته
لكنه صادف فترة ضغط عجيبه
ياجماعه بلو سكاي
ادعوا لي
اللهم التسهيل والتيسير من عندك ، الله يجعل القادم اجمل واحلى واسعد
وان هذي بس سواليف ابليس
وضعي الحين نفس وضع افتاري
بنص الركض وملاحق الاحداث
قفزت اجلس على قارعة طريقي
احتاج كل الاحتياج اني احتوي نفسي وافهمني
ياقلبي وسوري
والله العظيم وانتم ما حلفتوني اني ودي احضني الان وانتحب
وش مب خايفه الا خايفه ونص
قلبي وروحي مايتحملون كل هالضغط
اعذروني كل المعذره كان كثر نحيبي بهالتطبيق
اشعر برغبة البكاء تصعد لحلقي وعيوني تحرقني
اول مره تجيني هالرغبه لشعور الاشتياق
هل هو فعلًا اشتياق؟ ولا اعتياد؟
بديت اشك بحبي
هل حبي حب؟ ولا اتصنع؟
كيف افرق بين الحب، والاعجاب والاعتياد على شعور حلو
عرفت اشغله
مبارك عليكم الشهر
مجتمع بلو سكاي الطيب
هل بكون مثل ما اتخيل وافضل؟
هل بوصل للموعد النهائي وانا اقول نعم كذا انتي روعه
الافكار ماخذتني جدول
ودي اصيح لين تطلع كل غصه
بس الاشكالية ملامحي تتنفخ وماتروح الاثار بسهولة
امسيت على ملامح كورية البارح، ولا اظن بتقبل التقي بالمعارف اليوم الجمعه، وهي فاضحه لحالتي
المشاركات اليوم تفريغ لمقدمة افكار مقلقتني، لعلي بهذا ارقد
بكبر عقلي
قلتها بعد مواجهة لواحد اكبر مني ب ٣٠ سنة
، الله المستعان العمر مب سنين تعاقبت
سنة ٢٠٢٦ بدت بشكل مختلف
عسى الباقي منها سعيد وعسى مايكون فيها ندم على تنازلي هذا
البارح اقول كل موضوع يمر عندي يخف تأثيره اذا تكرر
الا هذا الموضوع
ما ادري متى بطمر جدار التخطي
متى يعتاد الواحد على حدث يتكرر بحياته
متى يوصل لمرحلة ماعاد يهتم
ويتعامل طبيعي
بدل من الانهيار وكأنه يحصل اول مره
شعور رهيب اذا لاحظت عيون تسترق النظر
والارهب منه تكرارها
بغض النظر عن السبب
اذا فضول ولا اعجاب ولا من شدة اهتمام الكاره
ما ادعم السربته
اتكلم عن مجتمعات الدراسة والمعارف والقرايب
صباح الخير
كل منا لا محاله قد جرب الخروج من منطقة الراحه
الان وهذي الفتره شعره تفصلني عن الحد الفاصل بين راحتي والمغامره
دعواتكم
ودي ارجع لوقت يوم كنت شاعريه
كل شي يذكرني بشي
وكل مشهد يلهمني
نسيت كيف كان يشتغل مخي وقتها
احب التشابه بالعلاقات
وضد مقولة الاطراف المتشابه متنافره
طول فترة حياتي ما حبيت وفضّلت الا اللي اجد فيه ثباث صفات فأكثر مشتركه
ولو كان تمامًا نسخه اخرى مني، اعتبر اني طحت بكنز
هذا الكلام كله لأني تذكرت شخص مر بحياتي
بيننا تشابه عجيب
سؤالي الحين
هل بلاقي نفسه؟
ترا زين والله انك تفكر بخطط الفترة ومستقبلك
وهي سلاح كل ناجح
الشين فيه اذا وصلت لقلق هل بتضبط ولا لا
الحياة والله بسيطة وجميلة ومريحه
ان حاولت تعيش حاضرك
وتستمتع بالظاهر
مع مراعاة ان
التخطيط لقدام مكسب لكن ان زاد عن حده مهلك
والماضي تتعلم منه ماتتعلق فيه
دخلت اقلب في التايم لاين ببطء
وعلى الحركه البطيئة والله ماقريت كلمه من ضجة افكاري
الشعور اللي يجيني فجأه كذا اخاف منه،
حصل معي قبل ايام من وفاة جدتي
كنت امهد لنفسي ان محد معصوم من الموت حتى جدتي
وبشكل غريب كنت اكرره بمخي
بمعلومة ماكانت بوضع مرضي حرج، وفاتها مفاجئه
فيوم توفت صحيح انهرت وابطيت احاول اصحصح، لكن اظنه افضل حال من لو مامهدت لنفسي
جو العزاء ولو ماكنت من اهل المتوفى
يجيك صداع ماترقد ليلته
وادري بعلة الموضوع
ما اصيح اذا ماكان الشخص يعز علي، بس جو العزاء يذكرني بالعزيزين اللي اخاف فقدهم
ثم اصير مثل ما قال بن فطيس
لا تحسب ان دمعي نزل دون سبّه
أبكي من الفرقا وهي مابعد جات
مستغربة اني مانمت رغم ان يوم امس مزحوم بالاشغال والجداول
من شدة الارهاق ظنيت لو صعدت للغرفه قبل العشاء بنام عن الصلاة
اخرتها اسامر الأرق
منل مسؤول
إن طُلب تُزال الرغبة به
اول مره ودي انام
بحياتي ماتهربت من فترة صعبه بالنوم
لا ما العبها
ياربي وأنت جلاّي الظلام الراحم المنّان
يارب المرسلات ورب قلبي وانت تاوي له
أعوذ بنور وجهك لاتصيّرني ضعيف ايمان
تلقّاني بعطفك يا كريم إن قلّت الحيله
الواحد مب طول وقته صلب
متعبتني هذي النظره، ماعاد يمديها اتنحى واستريح