#وقفه مع #حديث صحيح
-
قال رسول الله- صلى الله عليه وسلم- « مَن أطاعني فقد أطاع اللهَ ومَن عصاني فقد عصى اللهَ ومَن أطاع الأميرَ فقد أطاعني ومَن عصى الأميرَ فقد عصاني »

#دعاء #مساء_الخير #مساء_الخير_والسعاده #مساء_الاجواء_الحلوه #مساء_الخير_والسعاده_للجميع

حلفت ما ابيعه وأنا العام شاريه
اقع تحت صم الصفايح مراحي

ياكود من علم يغيضن ويرضيه
والخوف من يمه يهج الرواحي

وده يواجهني وانا ودي اجيه
والكل منا ابعدته المشاحي

عديت عن وضاح الأنياب لا أجيه
كما أجرب عدي عن ابل صحاحي
-
#شعر// #سرور_الأطرش

يا مل قلب ٍ بيح الود خافيه
ماعاد باقٍ فيه غير الصياحي

كنه على غصن من السدر يلويه
والا يهذا في شطير السلاحي

على عشيرٍ كلما حل طاريه
يودع صناديق الضماير لياحي

بيّن لي الجفوا وانا مشفى فيه
اشفاية الظامي لشرب القراحي
.
.

طرد المقفي مثل طرد العذاريب
وأنا تعبت ابلع مشاريه الأعـــــراب

أما تعالي واقطعي دابر الريـــــب
والا انسي أني كنت أنا وانتي أحباب
-
#شعر // #فهد_المساعد

وحذراك من ولد الردي لا يرابعك
ما تنفعك رفقة ردي العزومي

لا نافعاً نفسه ولاهوب نافعــــــــــــك
حيث انه من كسب الجميل امحرومي

لاصار طبعه ما يناسب طبايعك
خله وعده في الحياة معدومي
-
#شعر// #دخيل_الله_الشكرة_الدوسري

وترى الرجال اوصوفها مثل اصابعك
والفرق بينه ما يبي له علومــــــــي

ورفقتك لخيار الرجاجيل تنفعك
وتفخر برفقة طيبين السلومي

وصديقك اللي صافياً ناصحاً معك
صداقته دوم الليالي تدومــــــــــي

وداعة الله يا بني ثم بودعك
ابعد من اللي يلحقك منه لومي
.
.

وكرامة منها تعدى يدينــــــــي
والله ما حظاها ولا أذوقها ذوق

ووالله ما جي واحد ما يبينــــــي
لو كان يلحقني من الوقت لاحوق
.
.
واللي ليا مني زهمته يجينـــــي
باسوق نفسي لا بدا لازمه سوق
-
#شعر// #عبدالرحمن_بن_بديع

يا حسرتي ياما مضى من سنيني
والله يستر لا يجي الطاق مطبوق

اللي من الله كاتبه في جبيني
سبحانه اللي دبر الرزق من فوق

امن العدم لو اتوسد يمينــــــي
في ذمتي ماهين نفسي لمخلوق
.
.

هذا ويا من تسمّع قول راع الجواب
يهدي النصيحة وهي ما كان يهدا بها

حاذور حاذور من نظرة لميع السراب
القايله لا تغرك هي وما جابهــــــــا
-
#شعر// #زبن_بن_عمير رحمةالله

يقوله اللي درى لو ما قرا بالكتاب
يفهم معان الكتابة قبل يقرا بها

ما اقلط اقدام رجليني لجحر الدواب
أدخل على الله من الحيات وترابها

ألا ولا آرد على ميراد شهب الذياب
اخاف من وردةٍ ما ظهر من انشابها
.
.

#بيت_شعر_على_ذوقك
- - - - - - - - - - - - - -
:
عَرضي نظيف ولا تهمك ثيابي
لو تمتلي ديزل ولو تمتلي زيت
-
#شعر // #سليمان_بن_عويس

يثقل علي باكر ويطويني الخوف
يا عونة الله ما للايام ذمــــــــــــــه

من كثر ما مر بحياتي وانا اشوف
أقول ليت اليـــــــــوم يبقى بهمه
-
#شعر // #دعاس_عافت

الشاعر #عبدالله_بن_دويرج يقول في #الشاي:

يوم سموه شاهي حطه الله نفاد
للدفين المخامر والحلي والنقود

مثل دم النحر بين الحَمَر والسواد
شيرته تقعد اللي في منامه ينود

أحسب ان ما يحبه غير حضر البلاد
والبوادي على شانه تشد القعود

صار كارٍ لكل الناس وهو المراد
جعل هجن تجيبه ما تجيها اللهود

شمروخ فرخ مذلق ما له اجناس
للطيب في وجهه مراح ومواري

إلى طلع تظهر عيونه من الراس
مثل العديم اللي بفعله يثاري

ايديه من دم ابرق الريش يباس
اسوات حنا لابسات الخـــداري

يا طيري اللي بالظفر مثل عفاس
لا روحت خيلٍ لخيلٍ تشـــــــــــاري
-
#شعر// #محمد_سعود_العريفي

يا عضيب انا بالي على الطير محتاس
اسواة من تجري عليه الجــــــــــــواري

أمسيت كني من ورا باب حباس
والا عليه من الرفاقه مـــــــــــداري

واطيري اللي لابرق الريش مدباس
ما يذبح الا من كبار الحبـــــــــــاري
.
.

إِذا اللَيلُ أَضواني بَسَطتُ يَدَ الهَوى
وَأَذلَلتُ دَمعاً مِن خَلائِقِهِ الكِبـــــــرُ

تَكادُ تُضيءُ النارُ بَينَ جَوانِحــــــــــي
إِذا هِيَ أَذكَتها الصَبابَةُ وَالفِكـــــــرُ
-
#شعر // #أبو_فراس_الحمداني

#وقفه من المنقول
-
ثلاثة لا يعرفون الشَبع:
( طالب العلم.. طالب المال.. طالب الشهرة )

#دعاء #مساء_الخير #مساء_الخير_والسعاده #مساء_الاجواء_الحلوه #مساء_الخير_والسعاده_للجميع
-
اللهم ارفع عنا البلاء والوباء والربا والزنا والزلازل والمِحن وسوء الفتن ماظهر منها ومابطن عن بلدِنا وسائر بلاد المُسلمين عامةً

الله يذكر بالجميل اقصرانا
هل الجميل اللي يعرفون الاسناع
هل الجميل اللي مشوا في رضانا
مني لهم بيضا على كل مطلاع
الى بغينا الطيب زادوا ورانا
والى مشينا شبر زادوا مية باع
للحول ما شانت وجيه الخوانا
والعود لذات العسل حلو الاجراع
كرامةٍ دايم لحشمة لحانا
ومن يفعل المعروف بالكفو ما ضاع

#شعر/ #دبيان_بن_عساف

يا وجودي وجد من وقفت بعينه عبرتين
بين ناسٍ لو يباع الضيم بالمال اشتروه

وجد من كلّه تنثر.. من شمال ومن يمين
والعواذل كلما لملم شتاته.. بعثـــــروه
-
#شعر// #محمد_الدحيمي رحمةالله

فيما مضى لي بالعواطف تحكمت
لكن مع الوقت وغلاي حكمتنــي

اليوم بأسراري للاعدا تكرمــــــــــت
صدق المشاعر بالعيون فضحتني
-
#شعر // #محمد_بن_سبيّل

واعرف ترى الدنيا لها كم تختال
ولقافة لابد هم صايدينـــــــك

تعمل بها اشغال وهي لك بالاشغال
وعقب المعزة قلّ فيها عوينــــــــك

فإن ساعفت دنياك بالحال والمال
تحمد الوالي وباعد قرينــــــــــــك
-
#شعر// #عبدالله_بن_سبّيل

اعرف ترى ماقسم لك مابه اشكال
يجيك لو كل العرب حاسدينـــــك

والمال مثل الفيّ لابد ينزال
مرٍ عليك ومرةٍ عن يمينــــك

والفرق في تفريق ربك بالاعمال
في ساعةٍ تذهل بها والدينك
.
.

#المدينه_المنوره
-
طيبة تشتت هم الايام تشتيت
تزيل عن قلب الحزين الغبينة

لا واهني اللي بطيبة مَلك بيت
يرى الحرم والنور قدام عينه

يا ليتني جلست فيها ولا جيت
حتى خروج الروح يحين حينه
-
#شعر// #سلامة_محارب_اللعاق

الا توادع كل غالي ومحبوب
حطوه بين العايله بالسويه

هذا طريق الناس والاجل مكتوب
كل يبي من والده له وزيه

لا من كل شال حقه على صوب
الجيد اللي يشتريلك ضحيه

يا الله عسى مانا بالنسل مغلوب
ولعل ذكرانا مع الناس حيه
-
#شعر// #مرشد_البذال

ما دك في قلبي من الهم دالوب
همي فراق مقرمزات الشفيه

لو راس مالي بس بشتي مع الثوب
اغنى من اللي يملك القيصريه

اليوم لو عندي حلال ابن يعقوب
غناة تالي العمر ما هي حليه

كني مدير البنك والمال محسوب
امانة للناس ماهــــــــــــوب ليه
.
.

#بيت_شعر_على_ذوقي
- - - - - - - - - - - - - - -
:
من طعنة اللي تحبه ليش مستغرب
أغلب جروح البشر من واحدٍ غالي
-
#شعر // #زيد_العتيبي

لا هب في ريح الفياض الرحيبه
وهز النسيم ازهاره يسار ويمين
فيه ام سالم كل صوت تجيبـــــه
تشهر طرب ثم اصفطت بالجناحين

إلى أن يقول:

والسيل يدرج وانتسمع صبيبــــــه
يطربك صوته لانحصر بين جالين
وصوت الرعد تعكس صداه الهضيبه
صوت وصدى يرتد بالجو صوتين
-
#شعر// #عبدالرحمن_الصالحي

بالله يا هل البيت لا تشلعونه
خلو عيوني من حبيبي تروى
ثم لا تهوزونه تبا تضربونـــــه
جعل اليدين اللي تطقه تكوى
-
#شعر// #محمد_الخس رحمة الله