പാലായിൽ ഇനി ആര് ഭരിക്കണം എന്ന് പുളിക്കക്കണ്ടം കുടുംബം നിർണയിക്കും
പാലായിൽ ഇനി ആര് ഭരിക്കണം എന്ന് പുളിക്കക്കണ്ടം കുടുംബം നിർണയിക്കും പാലാ: പാലായിലെ അടുത്ത അഞ്ച് വർഷത്തെ നഗരസഭാ ഭരണത്തിന്റെ ദിശ പുളിക്കക്കണ്ടം കുടുംബം നിർണയിക്കുന്ന സാഹചര്യമാണുണ്ടായത്. സിപിഎം നഗരസഭാ അധ്യക്ഷസ്ഥാനം നിഷേധിച്ചതിനെ തുടർന്ന് പാർട്ടി വിട്ട് സ്വതന്ത്ര സ്ഥാനാർത്ഥിയായി മത്സരിച്ച ബിനു പുളിക്കക്കണ്ടവും, മകൾ ദിയ ബിനുവും, സഹോദരൻ ബിജു പുളിക്കണ്ടവും തകർപ്പൻ വിജയം നേടി. നഗരസഭയിലെ 13, 14, 15 വാർഡുകളിൽ നിന്നാണ് മൂന്നുപേരും വിജയിച്ചത്. ബിനുവിനും കുടുംബത്തിനും പിന്തുണയായി യുഡിഎഫ് രംഗത്തെത്തി; ധാരണപ്രകാരം ഇവർക്ക് എതിരാളികളെ നിർത്തിയിരുന്നില്ല. നിലവിലെ സീറ്റ് നില കണക്കിലെടുത്താൽ, എൽഡിഎഫിനോ യുഡിഎഫിനോ ഭരണം ഉറപ്പാക്കാൻ ബിനുവിന്റെയും ടീമിന്റെയും പിന്തുണ അനിവാര്യമായ സ്ഥിതിയിലാണ്.
