62. Señora de rojo sobre fondo gris de Miguel Delibes. Fermoso canto ó amor perdido e mecanismo psicolóxico de exorcización da dor pola perda. Claramente autobiográfico, é unha mostra inmensa da excelsa calidade de Delibes. Marabilloso libro. E última lectura do ano.
#FranLe #Lecturas24

61. Los chicos de la Nickel de Colson Whitehead. Racismo, intolerancia e morte, loita polos dereitos civís e, de fondo, a figura do Dr. King. Ten partes marabillosas e un final sorprendente, con algúns fragmentos na segunda parte algo menos conseguidos, pero aínda así un novelón.
#Franle #Lecturas24

60. La colección de Juan Mayorga. Obra teatral gaseosa onde se xoga coa 'colección' como un significante baleiro que a lectura pode encher de varias maneiras (algo que destaca Juan Pimentel na súa análise anexa). Eu relaciónoa coa memoria, coa herdanza, coa angustia existencial.
#franle #Lecturas24

59. La hermana menor de Mariana Enríquez. Interesante retrato dunha personalidade, un tempo e un pensamento cultural. Faltan pezas na lectura, pero o que hai abonda para coñecer mellor a Silvina Ocampo, Bioy Casares e Borges. Suficiente? Penso que non.
#FranLe #Lecturas24

58. Cinco horas con Mario de Miguel Delibes. Impresionante descrición da sociedade española no franquismo dende un punto de vista equidistante que constrúe personaxes e personalidades de forma maxistral. Sen palabras.
#FranLe #Lecturas24

57. Los hombres del norte de John Haywood. Crónica da presenza dos vikingos en terras britanas, con notas doutros territorios. A súa presenza en Iberia ten o peor capitulo do libro, pésimo. O tema central está moi ben tratado, os secundarios son mellorables. Decepcionoume.
#FranLe #Lecturas24

56. El espejo de un hombre de Stephen Greenblatt. O mellor resume faise invertindo o seu subtítulo: época, obra e vida de W. Shakespeare. Moi interesante se queres coñecer a vida na Inglaterra dos últimos Tudor e os primeiros Estuardo. Algo repetitivo, pero interesante.
#FranLe #Lecturas24

55. Ciencia ficción capitalista de Michel Nieva. Horrible. Repleto de lugares comúns, ideas baleiras, análises absurdas e oportunidades perdidas. A CF é un anzol usado sen sentido. Só crítica a Elon Musk e millonarios análogos sen sentido nin rigor. Fuxide deste libro.
#FranLe #Lecturas24

53. La fundación de Antonio Buero Vallejo. Impresionante. Conexión intermedia entre El Quixote e Matrix sobre a realidade opresora, as fuxidas, a loita e a busca da verdade. Retrato da natureza humana e lección moral sobre o poder da esperanza. Hai que lela.
#FranLe #Lecturas24

52. 1177 a.C. El año que la civilización colapsó de E.H. Cline. Moi ben fundamentado e sólido na súa defensa dun final multicausal da caída civilizatória que supuxo o fin da Idade de Bronce e o comezo da Idade de Ferro. Escrita sinxela, directa e clara. Didáctico e intelixente.
#FranLe #Lecturas24

51. Galápagos de Kurt Vonnegut. Un despropósito. Ideas confusas escritas sen orde nin concerto nin gusto estético, nunha trama enrevesada, ridícula e pastiche. Un autor capaz do mellor, e aquí tamén do paupérrimo. Repite temas xa coñecidas: sinrazón humana e condena da violencia.
#FranLe #Lecturas24

50. Símbolos naturales de Mary Douglas. Acabeino de ler na Baía de Halong e foi un pracer aprender tanto sobre a relación entre a cultura e a forza das estruturas sociais. A veces algo enrevesado na redacción, pero acabas por adorarlo pola súa forza e claridade.
#FranLe #Lecturas24

48. La posibilidad de una isla, de Michel Houellebecq. Mala a rabiar. Núcleo narrativo incoherente. Voz narrativa mal definida. Temas e personaxes mal escritos. Uso trapalleiro do marco da CF. Todo o que ten que dicir queda claro nas 100 primeiras páxinas. Novela moi menor.
#FranLe #Lecturas24

47. Nada de Carmen Laforet. Horrible. Moi mal escrita. Voz narradora en terceira persoa baleira de personalidade e historia, plana. Pequeno valor sociolóxico e xeográfico, mais non literario. A linguaxe é pésima. As figuras están mal usadas, moi sobrecargadas.
#FranLe #Lecturas24

46. Maniac de Benjamín Labatut. Nunca neste ano lin 2 libros seguidos do mesmo autor... ata agora. Motivo? Explorar se Labatut é ou non CF. Un xénero con tan flexibles fronteiras, pode tomar esta obra como súa? Persoalmente, penso que si. Escribirei sobre iso. Moi recomendable.
#FranLe #Lecturas24

45. Un verdor terrible de Benjamín Labatut. Impresionante e imprescindible. Un novo camiño da CF onde a realidade e a ciencia acadan novas cotas e buscan novos obxectivos. Aquí ademais temos unha perspectiva ampla dende a bioloxía, a química, a matemática ou a física. Lédeo!
#FranLe #Lecturas24

44. El género en disputa de Judith Butler. Un clásico do feminismo fundamental no seu tempo, iniciático en moitos temas actuais, pero que co paso do tempo queda desfasado, como o mesmo prólogo de 1999 admite. A lectura é densa, pero gratificante e satisfactoria. Moi recomendable. #FranLe #Lecturas24

43. Abel Sánchez de Miguel de Unamuno. Interesante novela fragmentaria que, sobre unha base existencial, reflexiona a partir do mito de 'Caín e Abel' sobre o sentido da vida; esencialmente tráxico. Irregular, pero interesante. O tema da envexa e o odio está moi ben traído. #FranLe #Lecturas24

42. Relatos de Deborah Eisenberg. Irregular por culpa duns textos bastante homoxéneos técnicamente, con defectos de tradución e algunha falta de ortografía. O libro transmite certa sensación de descoido. A selección dos textos non é axeitada. Lástima de bois.
#FranLe #Reto24 #Lecturas24

40. Las ratas de Miguel Delibes. Marabillosa crónica do inicio do baleirado do campo español a partir dunha reivindicación da sabedoría e a vida popular dende a personaxe universal do Nini, representante en si mesmo de tantas cousas. Xa non se fan novelas así.
#FranLe #Reto24 #Lecturas24

39. La belleza del marido de Anne Carson. Impresionante. Non creo que poda resumilo nin definilo. É unha experiencia existencia a partir dun matrimonio sen sentido. Imprescindible.
#FranLe #Reto24 #Lecturas24

38. El nervio óptico de María Gainza. Marabilloso, non atopo palabras para definir algún dos estupendo fragmentos de vida e arte que disecciona aquí a aurora arxentina. Un dos mellores libros que lin nesta década, e neste ano seguro. Hai que lelo.
#FranLe #Reto24 #Lecturas24

35. Hollywood Babylon de Kenneth Anger (en inglés). Historia do cine clásico dende os anos 20 ata os 60, centrado nas súas personaxes e episodios máis truculentos. Para amantes do morbo e os curiosos do cine clásico. Interesante.
#FranLe #Reto24 #Lecturas24

26. Manifiesto Cyborg de Donna Haraway. Vooume a cabeza. Un ensaio prospectivo certeiro e intelixente, crítico e concreto, exhaustivo e positivo. Ogallá moitos máis así. Para min é xa un imprescindible. #FranLe #Oslibrosqueleo #Lecturas24