Dealbh air Ola Szczesnowicz, le a h-ainm, tiotal 'Deasaiche' agus suaicheantas Faclair na Gàidhlig ann an dath liath.

Tha Ola na Deasaiche, le uallach siostaman didseatach. Às a’ Phòlainn, tha ùidh aice ann an cànanachas agus sa Ghàidhlig:

“Bidh mi ag ionnsachadh rudeigin ùr gach latha, agus chan ann mun chànan fhèin ach cuideachd mu eachdraidh, litreachas, dualchas agus iomadh cuspair eile.”

#sgioba #gaidhlig

Dealbh dubh is geal air Steaphan Risnidh, leis an tiotal “Deasaiche” agus suaicheantas Faclair na Gàidhlig ann an dath liath.

Thòisich Steaphan Risnidh na dheasaiche air an Fhaclair an-uiridh:

“Tha e inntinneach sealladh nan Gàidheal fhaighinn tro bhriathran taghte nam bàrd is nan sgrìobhadairean o shean. Agus thig criomagan blasta fiosrachaidh air uachdar ris nach robhar an dùil.”

#gàidhlig #faclair #sgioba #litreachas

Dealbh air Dr Tòmas MacAilpein, le ainm, an tiotal “Deasaiche” agus suaicheantas Faclair na Gàidhlig ann an dath liath.

Coinnichibh ri Dr Tòmas MacAilpein! Tha obair neach-deasachaidh a’ toirt tlachd mhòr dhà:

“Tha sinn fortanach a bhith a’ dèanamh obair nach deach a dhèanamh a-riamh roimhe agus a bhith a’ feuchainn ri crìochan ar n-eòlais a shìneadh air a’ Ghàidhlig tro a cuid eachdraidh fhada.”

#faclair #sgioba

Dealbh air Sharon Pearson, Manaidsear Ionaid, le a h-ainm, dreuchd agus suaicheantas Faclair na Gàidhlig ann an dath liath.

Seo agaibh Sharon! Tha Sharon Pearson na Manaidsear Ionaid aig Faclair na Gàidhlig, a’ cumail rian air cùisean a thaobh maoineachaidh, coinneamhan is gnothaichean sgiobachd.

Tha obair nan deasaichean annasach dhith agus cluinnidh sinn barrachd mu na dreuchdan sin fhathast.

#faclair #sgioba #team